SOBANGSANG SÜR TETEMBA ALOKBAI MANGJAK NUNG TETEMBA LIA ARUBA TAKÜM KULI AGÜTSÜR

ALOKBA    :     Hoi, Ni Sobangsang temba Alokba, tembabai ayongzükba benjongi arur den pa dak keta aliba jakla yimya tajung tatsü agi lemsatepdi. Kü tembaji shisatsü kanga tesüngjem atsü anem aketba wabong tajung ka liasü, saka ano pa dak maremzüktetba tangsa tang mamendangsa chiadokdi ta asüba, minute kata matali ta asüba shisatsü tapayutsüka liasü. Ano pai tangar akaba kecha menükshi, saka tangari memeteti mejepzüka agitsü nung kanga dang teyakyak sempet aketer taküm ka liasü. Aser ano pai tangar majung kecha mesükshi saka kin o kin na tsüngta/yim o yim na tsüngda/lokti balala tsüngda rongrong atokdaktsütsü shisatsü kanga tekera tenükshitsü aketba taküm ka liasü, ano aika dang lir. Tanü kü temba meliaka asen Ao lima nung pa ama aika lirji rongrong mokokachi mangatettep tenükmerem tatem amala alitsüji kecha mesasali. Tatem nung pai temba ni sür külena shinga danga teshi ta asüba miim o ka pai toktsüba tetsüi anir chirnur dang shidi. Küm ter tejakdang küna tsümaleni ayangi alidang pai tenük mesepshi nung baghan tsür ka den shi nung medemer toktsüba tanaben aludangbo tetsür chanu ka sor liasüji tenünga tetsü naroküm Kotakjungla jar toktsüogo, ta pai shijang ta asüba shitsür kanga pelar. Asü süngkümi aidang Sobangba taküm melenshiogo joko jungjunga dang melenshiogo ta ayimdena oangno salem.
Sobangsang’er
Jabaso    :          Oko mangjak nunga o tejok mejaktettsüsa ya tashi jembir na.
ALOKBA    :    Tebusang arung menang okolai otsü shidi, nübo küna ka ama dang liasü, Arju nunga külemi ayip, chia auso ka nung dang sama chiyong,  langtem (süjak) tashi melentepa dang agi, ni majayonga pai hao dang sür ata, khen-a pai tenra nia memeteti dang tener lili ta lia aru, talisa nutsü ya kübutsü asütsü lia pai kanga dang aginü nung pa nem agidaktsü. Nenok ya lar laponger chir matu malem paikati sodena toktsüji okolabo kubayoangka magie pelaseta alirako ya.
Sobangsang’er
Jabaso    :     Aya Okola Alokbasa shisa takaba no.
Lilir: Asang Jamir, Mokokchung