Social media ajanga melamela nüngtugu akumer: Madonna

August 16, 2016: Nüngtugu kentener,  Madonna-i, tanüasüngbo social media ajanga kentenertem kanga melamela nüngtugu akumer, ta ashi.
‘Hung Up’ ken atenla, Madonna-i, social media ajanga aonung ka süidangyongi nisung ka nüngtugu akumer, aser ibayongji kentenertemi parnok sempet nung masü saka nüngtugu akumtsü nung kanga rangloker, ta ashi.
Arishi küm 58 tain, Madonna-i, ‘Social media malidangyongi ni nüngtugu kumer liasü, anungji nüngtugu akumba ya ni atema khuret ka masü. Nüngtugu akumbaji kü mapa ajanga lir, aser social media malidangyongi küm 20 tejaklen ni nüngtugu kümer liasü. Tang ni atema khuretji-, kentenertemi pei mapa nung nendaka inyaker masü saka nüngtugu akumtsü nungang tali rangloker. Tangbo nüngtugu akumtsüji melamelar,” ta ashi.
Madonna’er jala ana arishi küm 19, Lourdes aser Mercy (10), aser jabaso Rocco (16) aser David (10) nungeria social media manemer, kechiyong lai app Instagram ajanga noksa lemsateptsü jangrar.
Lai, ”Ni Instagram sapur, kechiyong iba ya ‘diary’ ka mesüka lir aser iba ya ajanga ni anogoshia kü taküm, ni ajungmesoba, jashidaktsüba mesüra ni nokdakba onüktem lemsatepteter,” ta ashi.
“Nüburtem den lemsateptsü tongtibang-a ta bilemba onüktem lemsateptsü atema ni iba ya sabang ka mesüka amshir,” ta laisa ashi.