Social Media ya tamshishia amshinungbo temoatsü lir: Richa

Mumbai, Tsüklai 2 (Agencies): Actress Richa Chadha, shiba Shibani Kashyap indang tawa sayaba ken ‘Wanna be free’ nung shilem agi lai ashiba agi, social media ya tamshitsü tim nung amshinungbo temoatsü ka lir.
Ken ajanga osang agütsüba indang jembidang Richa-i ashiba agi, “Nenoki nenok sasa social media nungi kümzüktsü kecha nüngdak mali, saka tamshitsü tim nung amshitsüla. Social media ya asenoki tamshishia amshinungbo lenla aika nung temoktsü lir.”
Iba ajanga la audience tem den sendaktepba nung koda teyari agütsü, ta asüngdang dang Richa-i ashiba agi, “ni film tapu balaka nung dang timba shilem agiba ajanga nüburtemi ni iba amala nisung ka asütsü, ta bilemer, anungji social media ajanga iba tebilemba ya melenshitsür.”
‘Wanna be Free’video koba Zee Music Company puri release asü iba ya Rajiv Roda aser Shibani nati produce asü. Richa adokba video ya Lloyd Baptisa-i direct asüba lir.