Social Welfare Department-i metetdaktsür

Dimapur, Yimpoksüi/November 27 (TYO): Social Welfare Department-i sangdong ka ajanga metetdaktsüba agi, nüburtem ajangzüktsü mechi aser Juvenile Justice (Care and Protection of Children) Act, 2015, Sec 80 aser Sec 81 aser Ministry of Women and Child Development tetuyuba dak ajemdaker, kija/lokti shirnoki iba act kübok agüja aliba tetuyuba ama tanur adopt asütsü asoshi agütsüba mesera agizükba nung manidaklir parnok küm tetent tepuokdak ayutsü aser senchi sen lakh 1 achitsü.
Kasa mapang nung Hospital, Nursing Homes, aser Maternity Homes nungi employees, ketdangser mesera nisung mashi ka ket nungi inyakyim shidak manidaki tanur indang indanga atopt süra ozüng kübok merenshitsü.
Anungji iba dak sendaka aliba lokti aser kija ajak dang iba inyakyim kübok anidaktsü asoshi metetdaktsür aser tanur ka ozüng kübok inyakyim shidak ajanga dang atopt sütettsü ta jangjaa alitsü nenshir. Iba dak sendakba nung osang tejangja aginera District Child Protection Units in the District or State Adoption Resource Agency (SARA) den tongteprateptsü kasa sangdong ajanga metetdaktsüogo, ta DIPR sangdong ka ajanga metetdaktsü.