Socianian, Mongsenbai & Shitilong MDFA quarterfinal-i iogo

Tepenjem Rogo Mokokchung aser Shitilong SA asayartemi par prequarterfinal asaya nung toktepa shilem agiba noksa nung angur. (Mokokchung, October 13)

Mokokchung, October 13 (TYO): Socianian FC, Mongsenbai Youngterz FC aser Shitilong SA teloktemi par prequarter asaya koka, tang tasayadak MDFA 2016 asayamong quarterfinal asayatsü jenjang tanü, Brehostibar nü ajangzükogo.
Socianian telok aser Hills XI FC telok nati tanep 8:00 ako nungi tenzüka, tan Bodbar nü anüngzüka ayuba 4 buba prequarter asaya toktepa asaya aser tatem nung Socianian teloki penalty metsütepa, goal 5-4 agi Hills telok madak takok angu.
5 buba prequarterfinal asaya nung Mongsenbai telokia penalty metsütepba sülen goal 8-7 agi Elation SA telok tsükdaktsü.
Shitilong telokia goal 3-0 agi Tepenjem Rugo Mokokchung telok madak par 6 buba prequarterfinal asaya akok.
Shitilong asayar, Jongpongnungsang-i asaya tenzüker minute 26, 65 aser 85 buba nung goal 3 tashi agüja, par telok asoshi hat-trick yanglua kanga junga asaya.
Asüng, Hokolbar anepdang 11:00 ako nungi tenzüka, Fusion SC o Arikodong na tsüngda 7 buba prequarterfinal aser Telongjem FC o Grasshoppers telok na tsüngda 8 buba prequarterfinal asayatsü lemzüka lir.