Soft/professionalism Skills Dev. training ka agi

Kohima, Aami 25 (TYO): June 25, 2019 nü Kohima nung Chief Engineer Officers & Staff tem atema soft /professionalism Skills Development indang capacity building training ka agiogo; iba sentong ya Water Resources Dept.-i ayongzüka liasü, ta ketdangsertem osang ka ajanga metetdaktsü.
Iba sentong nung okila jembidang Chief Engineer, Er. Tsuktinungsang-i, “Asenoki tenzüka arudang asen dak aliba basic skills ajanga iba jenjang tashi tongtetogo, aser nübur tenzükertem ama asenoki inyakba mapa ajak junga inyaktsüji asen mapa, anungji academic mesüra qualifications dak alia asenoki asen skills ano arangshitsü nüngdaker,” ta ashi.
Paisa, sorkar mapa inyakertem ama asen dang temaba jenjang nung inyaker seniors lir, anungji asenoki communication skills metettsüla, jembishinü metettsüla aser kong metetpelaa jembitsülar metettsüla, ta ashi.
Iba dak sendakba nung pai ketdangsertem aser staff tem dang iba maongka agia skills arangshiba ajanga ketdangsertem aser külem tenzükertem tsüngda mapa takok ngua inyaktsü ayongzük.
Shisalen sayur, Youth Net Director, Lezo Putsure-i, professional skills ya Masters mesüra PhD angutsü atema course mapa dak sendakba nung sayuba mesüra angazükba ka masü saka iba ya lenisüba sempet, len sayuba, project management aser value added skills lir, aser item ya maparen ajunga atema nüngdak, ta ashi.
Paisa, asen yimya mesüra takokji asen tangatetba aser asen lenmang nung tensa balala ajurudang asenoki koma inyaker, ibaji ajanga dang ajangzükteter, ta ashi. Lezo-isa, maparen ajunga nung lokti nung jembitsüsa akümer, anungji osangtsüsang metetdaktsüdang jangja-jangja repteta jembitsü nüngdaker, ta ashi.
Training nung ketdangsertem aser staff tem dang professionalism, Time Management, Effective Communication & Emotional Intelligence, Body language, Responding appropriately aser Effective functioning of Team Work indang tesayuba agütsü.
Executive Engineer, Er. Wapangnaro Imchen-i tepela anküp o jembia sentong tembanga liasü.
Iba training nung shisalen sayurtemji Youth Net Team- Lezo Putsure Director; Training Manager, Nuneseno Chase aser Training Consultant, Ebibeni nunger liasü.