Soil & Water conservation Dept. website lapokogo

Kohima, Nobvember 30 (TYO): Tanü Soil & Water Conservation Directorate nung Soil & Water Conservation department indang website- www.snwc.nagaland.gov.in lapokogo.
Iba website ya Soil and Water Conservation Director, Peter K. Rengma-i lapoktsü. Iba website ya nüburtem den amalitepa tongtepratepba den külemi department indang mapatem aser osangtem angutsü nükjidong nung department-i tenzük.
Iba website nung contact information, department indang osang tejangja, tesem tejangja metettsü koba ajanga nüburtem nüngdak peritsütsü.
Department website tenzüktettsüsa Department nung ketdangsertem aser Department IT Nodal officer-i yaritepa inyakba atema Director-i pelaba olen ka lemsatep.