Solomong dang tuluba – T. Ken 72: 1- 11.

Tenüngsang Ken 72 ji Solomon atema zülu, tebilem nung pa chuba süa aliba mapang zülu südi. Saka iba ken reprangra asenoki Solomon dang nungi tuluba ka angur- Yisu Khrista. Ken züluri kechi ashir, ” O Tsüngrem, nai ne o bendang chuba nem agüjang” ( T. 1). Shidakba nung pai iba Ken nung temeshiba indang ishikaben tetshia lir. ” Anungji Pai ne nübur temeshiba agi o bendangtsü” ( t. 2). ” Ita marem tashi Pa anogo nung temeshipur arentsü” ( t. 7).Yisuji Tsüngrem temeshiba lir. Ken züluri Solomonji temeshi nisung ka südaktsünü. Chubai temeim aser ochishia o bandangdaktsünü. Yisu Khristi kodanga aibelen masü. Pa asen temeshiba aser Pai kechi temeshi aji inyaker.
Tanabuba, tezüluri temeshiba indang jembi “Tenem talangi nübur dangi yimjung bener arutsü, aser tenem tilai temeshiba bena arutsü” (t.3). “Ita marem tashi pa anogo nung temeshipur arentsü, aser tesünep jenti arentsü” (t.7). Yimjung meteni asenoki temeshiba akatsü akok. Asenoki sepoy yoka ozüng raksartem rishikangshitsü akok. Saka temeshiba medeni asenoki yimjung angutsü makok. Yimjung dang tama asenoki Tsüngrem den temeshiba akatsüla.
Kibuba den temeshiba aser yimjung indang Ibri shiti nung ashir. Yisu temeshiba aser yimjung chuba lir. Ano Pai taküm bener arutsür. “Ayi leper aliba dak tsünglu ajalok ama, tsünglubui ali tayi kümdaktsüba ama Pa alutsü” (t.6). Lisem lima ama asenok temulungjang takong süa aliba anogotema asenok kaa aruogo. Saka Kibuba temoatsü tsünglubu yok aser asenok dak tejang tangutsü. “Au, chuba ajaki Pa tsüngdang apudaktsü: kin ajaki Pa tenzüktsü” (t.11). Asenoki Solomon dang tuluba külemer aser tashi angar.
Kenü Khrista alima nung Pa yimli yangertsü. Pa temeshiba yimsüsüba ajanga pai yimjung bener arutsü. Tanü pai pa yimli tamanger mulungjang aser taküm nung pa yimli yanger. Pa temeshiba ajanga, ne mulungjang nung Tsüngrem yimjung akatsü akok. Na iba yimjungji lir ma?