Solution atema BJP-i election nung tokteptsü

Dimapur, Tsüklai 01 (TYO): Bharatiya Janata Party (BJP) Nagaland State Unit nung State President, Visasolie Lhonugu den külemi taoba BJP Nagaland unit tir, Dr. M. Chuba Ao aser taoba Home Minister Y. Patton nungertemi Tsüklai 1, 2018 anogo North East Political BJP election affairs in-charge aser National BJP General Secretary, Ram Madhav, New Delhi nung ajuru. Nagaland State BJP Election affairs ken o jembitsü atema BJP nung temaba menden ajanga General Secretary nem temelaba agüja lir. Nagaland nungi aoba teloki Central lenirtem dang tang Nagaland nung yimden yimsüsüba tensa indang metetdakja liasü, ta BJP Nagaland, Media Cell ajanga sangdong ka nung ashi.
Iba senden nung tatsü talang ajak jembir, Nagaland nung election agitsü sentong aliba nung solution atema BJP-i tokteptsü mulung. Bharatiya Janata Party-i tang Naga Political ken o aliba ya tekeraba nung tangatettep kati arutsü atema inyaktsü aser Government of India aser negotiating party tem ajanga tezüngzüktep agiba mapa küma inyakba nung BJP-a shilem ka asütsü, ta kasa sangdong ajangasa metetdaktsü.