Somali nung India nunger 8 kümzükogo

New Delhi/Mogadishu, April 12 (Agencies): Bodhbarnü Somali nunger sepaitemi India nunger ti kümzükogo; anogo ana tejakalen Hobyo anasa Somali nunger tzüyim nung auertemi India nungertemji pua liasü, ta ketdangsertemi ashi.
Hobyo police tongti, Bashir Elmi-i, “Ozü sepaitemi Bodhbar anepdang India nunger ti kümzükogo, parnok ya El Hur tesem nung tzüyim nung auertemi pua liasü,” ta metetdaktsü.
“Onokisa tzüyim nung auyartem parnok pezü puogo,” ta pai ashi.
Tesüiba itatem nung Somali nunger tzüyim nung auertemi rong aika pua item nungjagi auyaa liasü.
Tzünglu maruba, ayawara, ochimashi, raraba hadirtem ozüng alema shibelenba aser kiralongrar telok, Islamic State kulitem ajanga item ya kanga bolua ataloker.
Osang ajanga angazükba agi, India nunger rong, M.S.V. Al Kausar nung ajemdaker Hombarnü Somali sepaitem aser auertem na tsüngda raraa liasü iba sülen India nunger tiji puer ao.
Auertemji ajen saka parnoki India nunger ana toktsür parnok ti puer ao.
“Captain densema parnok ajak kümzüka lir,” ta Hobyo mayor, Abdullahi Ahmed Ali-i metetdaktsü.