Somalia bomb lendong nung tasür 358 jungogo

Mogadishu, October 21 (Agencies): Somalia yimtiba Mogadishu nung truck bomb lendong nung tasürtem nisung 358 jungogo aser 228 yirua lir, ta sorkari metetdaktsü.
October 14, 2017 nü Hodan nung tapoktsütem enoka aliba truck gari ka pokdaktsüdang ki 20 shi poksa. Iba lendong nung nisung aika majitettsüsa rongsa aser mongintemi ashiba agi truck gari nungji tapoktsü seret 500 (1,100 pounds) bena liasü akok.
“Tang tashi nung iba lendong ajanga nisung 642 (358 asü, 228 yirua lir, 56 samar mangur) kongshia lir. Nisung 122 tashi Turkey, Sudan aser Kenya nung anepalutsü anir ogo” ta Somali Minister of Information, Abdirahman Osman-i metetdaktsü.
Lendong atalokba sülen anogo ka ana tsüngda tasür 276 aser yirur 300 shi ta osang metetdaktsüba nung tanü kanga agi teimba kümogo.
Somali nung health system junga maliba agi US, Qatar, Turkey aser Kenya temi medical supply tayimtsü aika nung bener yokogo. Külen US-ia yirurtem anir oa anepaludar.