Somalia nung landmine apokdang ketdangser ka yiru

Mogadishu, February 7 (Agencies): Somalia anülolentip tsütsü gari lenmang nung yuja aliba landmine ka apokdang ketdangser tain ka yiru, ta sepai ketangsertemi Deobarnü ashi.
Lenmang nung yuja aliba landmine ka agi Gedo tesem nung Deputy Commissioner Mohamed Hussein gari poksatsü, ta sepai commander kati ashiba Xinhua news agency ajanga metetdaktsü.
“Senden kati aoba mapang iba landmine apokba ajanga deputy commissioner den pa body guard kanga mejungi yiru,” ta pai ashi.
“Onoki tanep Bardera jila nung tapoktsü tesashi apokba angashiogo. Sorkar sepaitemi iba tesemleni aoba lenmang ajak nokdanga lir,” ta tenüng küli angur kati ashi.
Gedo tesem nung aliba Bandera jila ya Somalia sepai aser AU Mission to Somalia teloki July 2015, nung atsüng aser mapang shia iba tesem nung Somali kiralongrar telok Al-Shabaab-i lendong agütsür.