SON-i Coaching terenemshiba sentong takok ngua agütsüogo

Dimapur, October 08 (TYO): Special Olympics Bharat- Nagaland (SON)-i India anüdoklen tentetba state-tem asoshi Coaches Training Progam sentong ka AIDA Training Center, Don Bosco Dimapur nung tan October 4-8 nü tashi takok ngua agütsüogo.
Assam, Meghalaya, Manipur, Odisha, Chandigarh, Jharkhand aser Nagaland nungi asayar 40 shi iba sentong nung shilem agia liasü.
Nagaland nungi Wokha Baptist Church Youth Department, Nagaland Blind Association, Cherry Blossom School, G. Rio School aser Phek o Dimapur na nungi tejangrartemi iba sentong nung adenba osang janjaogo.
Rakesh Kumar, National Office, Special Olympics Bhart aser Tansen Rajkumar, Meghalaya nati Games Management System: Level-1 aser Nagaland Coach, Imliwati Lemtur-i Advanced Coaches Training Progam, Cricket shilem nung tesayuba agüja liasü.
“Shisatsü nung tangar memenepba nisungtem nem par sempet tajungba akümtsü sabang renemtsütsü nükjidong nung iba Coaches terenemshiba agütsüba sentong ya ayongogo. Ano, tangar memenepba asayar aser coach-tem asoshi tan amala Special Olympics sentong balala India linük tesem balala nung küm tepiyong ayonga agir,” ta SON Area Director, Aren-i tanü sentong shibangba sentong nung metetdaktsü.
Ano, tan sentong takok ngua agitsüsa tongti shilem agiba atema National Office, Special Olympics Bharat, tesayurtem, shilem agirtem aser AIDA Don Bosco, Dimapur nungertem dang pelaba olen ka lai lemsatepa liasü.