SON teloki National Championship Bocce gold agizük

Dimapur, September 22 (TYO): Coach Yanrenthung Ovung aser Coach Sungchetri Amri nati anir special athletes 6 densemba Special Olympics Nagaland (SON) teloki Bhihar kübok Patna nung ayongba National Championship Bocce nung takok tulu ngua shilem agiba osang ka Aren, Area Director, SON-i tanü sangdong ka ajanga metetdaktsüogo.
Taoba August ita 23-28 nü tashi asayaba asayamong nung Chumremo Kikon, Mhachio Ngullie, Chiiluzhii-O Chache aser Rongsen Jamir nungeri team gold agizük aser doubles shilem nung Sanglikhum Chang aser Imlisunep Jamir nati silver agizüka liasü.