Sonakshi-i Guinness World Records sentong nung shilem agitsü

Sonakshi Sinha-2Mumbai, March 2 (Agencies) : Taküm Women’s Day nung Bollywood actress Sonakshi Sinha-i Guinness World Record angutsü merangba sentong ka nung shilem agitsü.

‘Most people painting their fingernails simultaneously’ otsü atema Sonakshi-i Mumbai nung shilem agitsü aser la iba sentong atema kanga yongyar ta metetdaktsü.

March 8 nü Women’s Day nung Poland nungi cosmetic brand Inglot-i Indian franchise partner Major Brands India Pvt Ltd den longjemer iba sentong alitsü ayonger.

Iba sentong ya Palladium nung agitsü aser parnoki O2M breathable nail enamels amshitsü.

“Tanur asüdang Guinness Book of World Records nung otsü tasen yanglutetba mesüra yanglua aliba otsü ajangtetba indang osangtem angashia liasü. Guinness Book nung pei tenüng züluoktsübaji akhüm ka lir aser tanur asüdangbo iba ama otsü nung shilem agitsübaji tebilema mebilemi liasü” ta Sonakshi-i ashi.

“Ni temulung tatar. Team Inglot nem ti tajung moatsür aser iba sentong nung shilem agitsü yongyar” ta laisa shisem.

Inglot nung supervisory board Zbigniew Inglot aser Major Brands India Pvt Ltd president Tushar Ved naprong iba sentong nung adentsü.

India nung Guinness World Record merangdangbaji ozü company atema maongka tulu ka lir, ta Zbigniew Inglot-ia metetdaktsü.

You must be logged in to post a comment Login