Sonakshi Sinha atenba ‘Noor’ April 7, 2017 nü sayatsü

New Delhi, August 07 (Agencies): Bollywood actress, Sonakshi Sinha-i ‘Noor’ film nung tongi shilem agitsü, aser iba film ya 2017 küm April 7 nü sayatsü.
Sunhil Sippy-i direct asüba film nung Sonakshi-i ‘journalist’ ka ama shilem agitsü.
Sinha-i twitter ajanga la sapurtem dang iba film sayatsü anogo sangdonga liasü.
‘Noor’ film nungsa Shibani Dandekar aser Purab Kohli natia tongti shilem agitsü.
Noorfilm nung Sonakshi-i ken ka atentsü atema sentong atonger, ta SpotboyE.com ajanga metetdaktsü.
“Sonakshi-i director Sunhil Sippy den iba tebilemba ano melemsatep. Lai Aaj Mood Ishqholic Hai nung ken atenba nisungtemi kanga sapua agizük aser tang lai Noor nunga ken tenner” ta la den tesentaktep tajung aliba nisung kati ashi.
Tang ya Sonakshi-i A.R. Murugadoss indang film- Akira nung shilem tagidak lir. Iba film nung Konkona Sen Sharma aser Anurag Kashyap natia shilem agir aser tan mezüng atema Sonakshi-i tebu Shatrughan Sinha den külemi shilem agir.
Akira ya nüngtugu Tamil film Mouna Guru (2011) yanglushiba lir.