Sonakshi Sinha-i ‘Force 2’ nung shilem tajung agir: Abhinay Deo

Mumbai, November 15 (Agencies) : “Force 2” film nung tongti shilem agir Sonakshi Sinha-i tereprangertem süngmangdaktsütsüsa shilem agir, ta Director Abhinay Deo-i metetdaktsü.
“Iba film nung nenoki temelenshi angutsü. Film nung Sonakshi-i John Abraham den kasa shilem agir. Lai shilem anguba ngua nisungtem süngmangtsü. Tang onoki la den action shilemtem yanglur” ta Abhinay-i ashi.
“Iba film nung shilem tesadang ka tembangogo” ta “Delhi Belly” director Abhinay-isa metetdaktsü.
“Force 2” film nungsa “Mardaani” nung shilem agir Tahir Raj Bhasin-i Vidyut Jammwal melena shilem agir.
“Tang Tahir Raj Bhasin-i film nung nisung tamajung indang shilem agir aser pa ya actor tajung ka lir” ta director-isa shisem.