Sonakshi Sinha-i saisapongba film nung shilem aginür

Mumbai, August 21 (Agencies) : Bollywood actress Sonakshi Sinha-i tang Akira ta ser action film ka nung shilem agiogo aser lai saisapong dak sendakba film ka nung shilem aginür ta metetdaktsü.
“Ni school aser college azüngba mapang kanga saisaponga liasü. Ni volleyball, basketball, swimming, shot put, discus throw… asaya aser ni asayar tajung ka liasü” ta Sonakshi-i ashi.
“Maongka dang ngura, ni sports film nung shilem agitsü” ta lai Savdhaan India set nung Akira film ajungketba sentong ka nung metetdaktsü.
Lai saisapong mesütetba atema kanga menungrar aser mapang shia tennis mesüra volleyball asayatsü meranger, ta Sonakshi-isa shisem.
Akira film ya Tamil film Mouna Guru yanglushiba lir aser A.R. Murugadoss-i direct asü. Akira film ya September 2 nü sayatsü.
Sonakshi Sinha-i tang Noor aser Force 2 film tem nunga shilem agidar.