Sonakshi Sinha ya chijiba ‘rockstar’ lir:Tahir Ray Bhasin

New Delhi, June , 2016: Actor Tahir Raj Bhasin-i pa den tang “Force 2” film nung külemi shilem agila Sonakshi Sinha kanga tushia jembiba mapang la ya chijiba rockstar ka lir, ta ashi.

“Iba project nung John Abraham aser Sonakshi Sinha na den kanga jangratema inyaker. Sonakshi ya chijiba rockstar ka lir. Lai fashion aser ken kanga meimer,” ta Tahir-i IANS dang ashi.

Arishi küm 29 tain, actor Tahir-i film nung mezüng shilem agibaji 2014 küm tangokba, Rani Mukerji-i tongti shilem agiba “Mardaani” thriller film lir.

Pai “Force 2” film tangokba mapang pa den külemi shilem agisang John Abraham-i kanga yarir ta ashi.

“John ji kü tesayur amai lir….iba film nung tashi kanga nüngdak. John-i ni temang tashi ita alitsü atema tetuyuba agütsür, chiyungtsü achiyim ashir aser pa indang trainer-i kü nema training agütsür,” ta pai shisem.

“Director aser producer temi ni-a actor tejentem den saku shilem agitettsü tamang akaba atema ni kanga pelar,” ta pai ashi.