Sonali Bendre dak cancer tashidak putet

Chiteni/July 04, 2018: Bollywood actress, Sonali Bendre-i la dak “high grade cancer” putetogo aser tang la New York nung teyari agidar, ta lai yashi metetdaktsü.
La indang Instagram aser Twitter handles nung, arishi küm 43, Bendre-i oren talangka lemsatepogo, aser lai iba tashidak anema raradar, ta metetdaktsü.
Lai lar kinüngertem aser medemertemi la nungitba atema pelar. Bendre-isa, la dak canacer tashidak putettsü ta meimlai liasü, ta ashi.
New York nungi Sonali Bendre-i sangdong ka ajanga, “Khenkhenbo nai meimlai alidang taküm nung tetsükdaktsü tulu ajangshir. Tawa kü dak high grade cancer putetogo aser ibaji meimlai aliba ka liasü. ozü kinünger aser tembartemi ni tajungtiba nung yaria nungitdar,” ta metetdaktsü.
Sonali Bendre’er medemertem- Karan Johar aser Riteish Deshmukh nungeria twitter ajanga la tajungtiba nung aneptsü atema lemsatepogo.
Sonali Bendre ya producer Goldie Behl den kibong akum aser tena jabaso ka, arishi küm 13, Ranveer sosema lir.
Sonali Bendre-i Sarfarosh film nung Aamir Khan den külemi shilem agia lir; yamaji lai Major Saab nung Amitabh Bachchan aser Ajay Devgn na den, Duplicate aser Kal Ho Naa Ho film nung Shah Rukh Khan aser Hum Saath-Saath Hai film nung Salman Khan den külemi shilem agia lir.
Hindi film dak alia Sonali Bendre-i regional films- Kadhalar Dhinam aser Kannodu Kanbathellam (Tamil), Shankar Dada MBBS (Telugu) aser Anahat (Marathi film) nunga shilem agia lir.
Sonali Bendre-i tesüsabuba film nung shilem agibaji Akshay Kumar-i tongti shilem agiba film Once Upon A Time in Mumbai Dobaara! (2013) aser Chiranjeevi den Shankar Dada MBBS film nung shilem agia lir.