Sonali Bendre-i Farah Khan, Zoya Akhtar nunger den inyaksemnür

Mumbai, October 4 (Agencies) : Bollywood actress Sonali Bendre-i tetsür film director tem- Farah Khan, Zoya Akhtar aser Gauri Shinde nunger den külemi shilem aginür ta metetdaktsü.
“Tanü-asüng tetsür director tajung aika lir. Ni Farah Khan, Zoya Akhtar aser Gauri Shinde nunger kanga nükshir. Parnok den külemi inyaksemtsü jangrar” ta Sonali-i ashi.
Arishi küm 41 tain Sonali-isa ashiba agi, lai film direct asütsü jangrar. “Ni tanü-asüng film nung shilem magir saka tesüiba küm ana ni kanga mazüngi aruogo.”
“Ni fiction show ‘Ajeeb Dastaan hain yeh’ nung shilem agi aser iba sülen ‘Dramebaaz’, ‘Mission Sapne’ nung shilem agiogo. Tang ni khen anisüngzüknür” ta laisa shisem.
Acting dak alaka Sonali-i kaket zülur aser ‘The Modern Gurukul’ ta ser kaket ka züluogo.