Sonam Kapoor-i Rekha nem akhüm tetushi agütsü

Mumbai, December 04 (Agencies): ‘Neerja’ film ajanga Bollywood actress, Sonam Kapoor-i tetushi aika anguba den külemi International award-a ana tashi nguogo; yasüng (December 4, 2016) Star Screen Awards sentong nung lai akhi mapang Hindi film actress, Rekha nem akhüm tetushi tulu agütsüogo.
Star Screen Awards sentong nung Sonam Kapoor-i Rekha mesüka renemer Rekha-i tsüngsangba nüngtugu kentem- ‘Pyar do pyar lo’ (Janbaaz; 1986) aser ‘Pardesia’ (Mr. Natwarlal; 1979) ken densema ken temeyoktep ishika nung minute 5 shilem agia liasü.
Osang ka ajanga, “Sentong tayongertemi Rekha shilem agitetettsüsa tetemjen actress ka bushitsü tenzükba mapang nungi parnoki Sonam dak rangloker liasü. Fashion aser style dak sentakba nung Sonam ya Rekha jenjang den meneptepa lir. Ibayongji la shilem agitsü atema Sonam tetemsü liasü,” ta ashi.
1980 küm sayaba ‘Khoobsurat’ film ana ka yanglushitsü atema inyakdang Sonam-i, Rekha ji lar kibong tembar ka lir aser iba film nung shilem agitsü atema Rekha-i la moatsüogo, ta metetdakja liasü.
Sonam-i lai shilem agiba film ajak Rekha nem reprangdaktsüer aser Reha-i la melenshitsübaji lai süoki ia agia benshir.