Mumbai, November 16 (Agencies): Bollywood actress, Sonam Kapoor-i ‘Neerja’ film nung shilem junga agitetba atema tan hopta Dubai nung Asia Vision Movie Awards mapang la nem best actress award agütsütsü.
Pan Am flight nung airhostess, Neerja Bhanot otsü nung ajemdaker yangluba film ya Ram Madhvani-i direct asü, aser iba film nung arishi küm 31 actress, Sonam Kapoor-i Neerja shilem kanga junga agitetba atema tenüngsang aika nguogo.
11buba Asia Vision Movie Awards nung Sonam nem Best Actress Award agtsütsü, aser iba sentong ya tan Hokolbarnü Sharjah Cricket Stadium nung akatsü, ta sangdong ka ajanga metetdaktsü.
Sonam-isa Indian Film Festival of Melbourne nung best actress award ngua lir. Taküm lai Hello Hall of Fame nunga Critics Choice Award ngua liasü.
Sonam Kapoor-i taruba mapang “Veere Di Wedding” film nung Kareena Kapoor Khan aser Swara Bhaskar nunger den külemi shilem agitsü.
Sonam Kapoor nem Asia Vision Movie Award ka agütsütsü added by nungsang on
View all posts by nungsang →
You must be logged in to post a comment Login