Sonam o Beyonce na Coldplay video nung aroki shilem agir

Sonam-BeyonceNew Delhi, January 28 (Agencies): Bollywood actress, Sonam Kapoor aser nüngtugu kentener, Beyonce nati rock kentener telok, Coldplay video ken ka nung aroki shilem agiba osang ka jangjaogo.
Coldplay telok indang track tasenba, ‘Hymn for the Weekend’ video atema Sonam-i yaküm 2015 küm October ita Mumbai yimti nung video tangokba osang jangjaogo.
Iba video ya Ben Mor-i direct süa yanglua liasü.
“Mumbai yimti kübok Worli nung aliba Golfa Devi Temple aser Vasai Fort na nung Sonam-i Coldplay telok indang video ken atema yaküm October ita anogo ka piyong video tangoka liasü,” ta Mumbai Mirror-ia osang ashi.
“Ni Coldplay telok kanga dang meimer aser par telok indang video ken nung shilem agitsü maongka anguba atema kanga pelar,” ta arishi küm 30 tain Sonam-ia metetdaktsüogo.

You must be logged in to post a comment Login