Sonapur nung NE India Inter College Debating tetoktepba agi

Sonapur, August 25 (Agencies): “Centre sorkari teti Northeast bendanga amshir ta asenoki meteta lira, asenoki, kechiba iba tesem nungi lenirtemi ibaji melar ta asüngdangtsüla,” ta ocet zülur nüngtugu aser Nagaland Page yimobilem zülur, Wt. Monalisa Chankija-i ashi.
Lai iba o ya Sonapur College of Assam-i tanü ayongzükba North East India Inter College Debating Competition nung Speaker menden nungi jembia liasü.
Iba tetoktepba sentong nung Northeast nung college 24 nungi lanur 48-i shilem agia liasü, aser shilem agirtem rongnung Meghalaya aser Nagaland nungi anana aser ka Arunachal Pradesh nungi ka liasü.
Shilem agirtemi “View that North East India is being exploited by the Central Government is factually incorrect” onük nung o toktep.
Tanep Sonapur College Principal, Dr. Devabrot Khanikor-i lokti pelaa agizükba o jembi.
Iba tetoktepba nung tetendangertemji free lens journalist aser Assamese periodical ‘Jeevan’ yimobilem zülur, Suresh Ranjan Goduka, Arya Vidyapeeth College of Guwahati nung Associate Professor, Sangeeta Kakoty aser Chief Public Relation Officer of IIT, Guwahati, Labanu Knowar nunger liasü.
Iba tetoktepba nung Guwahati Medical College nungi Anwesha Saha aser Shabnam nati temaba jenjang angu, J. B. College, Jorhat nungi Abhishek Kabra-i tanabuba jenjang angu aser Tetso College, Dimapur nungi Bwenye Kemp-i tasembuba jenjang nung takok angu.
Parnok nem Sinam Uriba Singh Memorial Prizes den senpet Rs. 10,000/-, Rs.7,000/- aser Rs. 5,000/- agutsü.
Guwahati Medical College aser North Lakhimpur College-i Best aser Second best teams angu aser Sinam Uriba Singh Memorial Prizes den senpet angu.
Ano ‘The Telegraph’-i sponser asüba temeja sempet ka tenüng agi, ‘The Telegraph Unputdownable Debater of North East India Inter College Debating Competition-2017’, Cotton University, Guwahati nungi Anwesha Mahanta nem agütsü.