Song Maodang-i 100m butterfly otsü tasen yanglur

Rio de Janeiro, September 10 (Agencies): China nunger Song Maodang-i tang tasayadak Rio Paralympics nung tebur tzüwatsü 100m butterfly S8 tetoktepba gold agizüka, world record tasen yashi, Hokolbar nü yangluogo.
Song-i second 59.19 nung alizüng tonga, Australia nunger Peter Leek-i minute 1 ser second 00.45 nung alizüng tonga, 2010 küm yangluba mapang tatsütiba nung 100m alizüng atongba otsü ajangteta liasü.
Külem sensopur, Xu Haijiao-i minute 1 ser second 0.08 nung alizüng tonga silver aser China nungersa, Yang Guanglong-i minute 1 ser second 01.18 nung alizüng tonga bronze medal agizük.
2012 London Games nung 4x100m medley relay gold agizükba densema, arishi küm 23 tain Song-i tan agi Paralyimpic asayamong gold 2 buba agizüker lir.
Song arishi küm 8 tain alidang, pa light current-i apu aser iba sülen pa teka achijilen shilem ka rongdoktsüsa aküm.