New Delhi, May 05 (Agencies): National Herald ken o dak sentakba nung tanü BJP MP, Subramanian Swamy-i Patiala House Court dang, pai Gandhis (Sonia aser Rahul) na anema kulisürtem tenüng agütsütsü, ta ashi.
Swamy-isa, taruba ken o angadangba anogo, July 16, 2016 nü pai tenüngtemji agütsütsü, ta ashi.
Iba dak alia Subramanian Swamy-isa court dang, Delhi High Court-i Central ministry tem dang nungi document meshitsütsü tetuyuba agütsütsü atema pai atar, ta ashi.
BJP lenir Subramanian Swamy-i National Herald ken benoka aliba nung Congress Tir, Sonia Gandhi, party tatong Tir Rahul Gandhi, party lenirtem- Motilal Vora, Oscar Fernandes, Suman Dubey aser Sam Pitroda nunger den Young Indian Pvt Ltd (YI) tenüng densema lir.
Sonia aser Rahul na anema kulisertem agütsütsü: Swamy added by nungsang on
View all posts by nungsang →
You must be logged in to post a comment Login