Sonia Gandhi ano Hospital nung mungdar

New Delhi, August 18 (Agencies): Congress National Tir, Sonia Gandhi hospital nung teyari agir hospital toktsüba sülen anogo ishika lir ano maneni la Sir Ganga Ram Hospital-i anir oa mungdar.
Tanü Hospital Vice Chairman (Board of Management), Dr S P Byotra-i, “Tamalen sentong yanglua aliba ama Sonia Gandhi treatment ka atema Sir Ganga Ram Hospital nung tenüng züluokogo. La tajungba lir aser tang la physiotherapy aser rehabilitation agidar,” ta metetdaktsü.
Sonia hospital nung anogo 11 amungdang tapobang operation agiba lisü salatsü atema yashi la hospital-i oa liasü.
“La anogo ana shi hospital nung amungtsüa akok,” ta osang ka ajanga ashi.
“Taoba hopta la hospital toktsüdang doctor temi la temang reprangshitsü atema lai ano hospital semdangtsüa akok ta metetdakja liasü,” ta kasa osang ajanga ashi.
August 2 nü Sonia tapobang yiruba den külemi temang majungba ajanga Varanasi  roadshow nung shilem tembanga magiteti tayimtsü ajanga Delhi-i anir arua liasü.