Sonia-i UP nung Congress nüboyim tenzüktsüogo

Varanasi, August 02 (Agencies):  Ato kilonser, Narendra Modi adokba constituency, Varanasi nung tanü Congress Tir, Sonia Gandhi-i 2017 Uttar Pradesh assembly election atema lar party nüboyim sentong tenzüktsüogo.
Gandhi tayimtsü ajanga Varanasi yimti tonga aruba sülen party nung inyaker nisung noklang aikati motorbike nung airport nungi yimti tiyong tashi meina liasü.
Congress Tirisa road show ka nung shilem agiogo, iba mapang nung lai yimti tesem balala semdang.
Sangküm state nung assembly election nüboyim sentong Modi adokba constituency nung tenzükba ya ajanga Congress-i Modi’er menden tsübua maliba sayur.
Narendra Modi Ato Kilonser akumba sülenbo tang mezüng Sonia Gandhi-i Varanasi semdanger lir.
Sonia den state nung party chief minister candidate, Sheila Dikshit, AICC General Secretary Gulam Nabi Azad, Uttar Pradesh Congress tongti, Raj Babbar, senior party lenir Pramod Tiwari aser Sanjay Singh nunger liasü.
Varanasi menden nung Modi küm anabuba Lok Sabha tatar inyakdar, ajisüaka iba tesem nung terenlok maliba sangdonga jungkai adoktsütsü atema Congress-i “dard-e-banaras” campaign kaogo.
Küm 27 tashi Congress-i Uttar Pradesh nung sorkar tashi menguteter aser item kümtem nung state tamajungba akumba sangdongtsü atema Congress-i “27 saal UP behal” campaign kaogo.
State assembly menden 403 nungi menden 160 shi Uttar Pradesh anüdoklen lir aser iba tesem atema Varanasi ya kanga tongtibang tesem ka lir.
2014 küm state Lok Sabha election nung Congress-i Amethi aser Rae Bareli menden na nung dang takok angu.
Uttar Pradesh Assembly elections ya 2019 küm Lok Sabha election atema kanga tongtibang lir.
UP election sentong asameyangtsü atema Congress-i election sentong asameyanger mongin, Prashant Kishor nübo nguogo. Tamalen Kishore-i Lok Sabha election nung Modi atema inyaktsü aser Bihar election nung Nitish Kumar atema inyakja liasü.