Sonia World Championships final-i iogo

Astana, May 26 (Agencies): India’er tetsür tsüngteper, Sonia Lather-i takok ngua tang tasayadak AIBA Women’s World Boxing Championship temang touzük seret 57 taret shilem indang final asayatsü jenjang tanü, Brehostibar nü ajangzükogo.

2012 Asian Championship silver medallist, Sonia-i tanü points 3-0 agi Kazakhstan tsür, Aizhan Khojabekova semifinal asaya nung tsükdaktsü.

Arishi küm 24 tain Sonia-i Italy tsür, Alessia Mesiano den final nung ajuruteptsü.

Mesiano-ia points 3-0 agi Bulgaria tsür, Denitsa Eliseeva tanabuba semifinal asaya nung tsükdakja liasü.

Tan asayamong nung India tenüng nung shilem agir kija, Sonia-i tan final asaya nung takok ngua gold medal agizükra, ibaji India-i küm 6 nung tan mezüngsüa AIBA World Championship gold agizüker asütsü.