Sonowal-i FIFA U-17 World Cup trophy, Guwahati logo sayaogo

Guwahati, August 26 : Assam Chief Minister Sarbanand Sanowal aser Sports Minister Nava Kumar Doloi nati FIFA U-17 World Cup India 2017, takoker Trophy IG Stadium, Guwahati nung Honibarnü sayaba mapang tangokba noksa nung angur.

Guwahati, August 26 (Agencies): Assam Chief Minister Sarbananda Sonowal-i Honibarnü FIFA U-17 World Cup trophy sayatsüba den külemi Guwahati host city logo dena sayaogo.
“Iba ya onok asoshi sentong tulu ka lir aser talisa lanurtem atema FIFA U-17 World Cup asayatsüba atema Guwahati tesem ka asütsü asoshi shimtetba ya kanga jangratemtsüka aser kanga tongtibang lir,’ ta Sonowal-i ashi.
“Ni takoker trophy sayatsü asoshi kanga pelar kechiyong iba World cup ajanga lanurtem temaba jenjang nung football asayatsü asoshi ajungshitsü,” ta Chief Minister-isa ashi.
Iba trophy ya Guwahati, Judge’s Field nung Deobar nü Mission XI Million festival atema anepdang sayutsü aser iba sülen nüburtem nem reprangdaktsütsü asoshi 11:00 ako nungi toktsütsü.
“Guwahati host city logo sayaba atema onok kanga pelar. State sorkari tetenzük nungi World Cup atema kanga nungita yaria aruogo aser maneni parnoki ano Host City Logo ajanga Assam aser northeast tesemtem nung iba asayamung tali ajungkettsü, ta shiogo,” ta Local Organising Committee (LOC) Tournament Director Javier Ceppi-i ashi.