Sonowal-i Rajnath den ajurutep

Guwahati, May 20 (Agencies): National Register of Citizens (NRC) tembangtsü mapang tonga arudang Assam chief minister Sarbananda Sonowal-i Hombarnü union home minister Rajnath Singh den ajurutep.
Rajnath den ajurutepba sülen Sonowal-i ashiba agi, NRC atema tsübuteptsü kecha nüngdak madoker kechiyong chichiba India sensotem shinga mezüngdoktsü.
Rajnath den amenba senden nung home department ketdangsertem, Assam DGP Kuladhar Saikia aser Assam chief secretary Alok Kumar nungertem aden.
“Assam nungertemi NRC yangluba maparen nung yaritepogo. Tang ashishitep aketba onüktem atema inyakdar. NRC nung chichiba India sensosanger ka danga mezüngdoktsü” ta Sonowal-i ashi.
Supreme Court-i NRC maparen ketdangsüa repranger aser tawa tu parnoki state NRC coordinator dang taküm July 31 tashi nung NRC mapa tembangtsü tetuyuba agütsüogo.
Yaküm NRC indang final draft sayaba nung nisung 2.89 tenüng lir saka kulikaket shitak maliba ajanga nisung 44,07,707 züngdok.
Iba nungi nisung lakh 36-i NRC nung zülusemtsü atema kulitem agütsüogo aser NRC indang final draft nung tenüng densema alirtem anema telok aser kijatemi ashishitepba onük lakh 2 shi benoka lir.