Sonu Nigam asangtsü o kisüng agi meperir: Khayyam

Mumbai, September 01 (Agencies):Ken mejemer mongin Mohammed Zahur “Khayyam” Hashmi-i kentener Sonu Nigam tenüng kanga asanger.

Khayyam aser Sonu nati tang teyangludak aliba film “Gulam Bandhu” atema ken ka külemi menüngokdar.

Media den jembiba mapang, Sonu nem tendaktsünüba ken ka shiang ta Khayyam dang asüngdangdang pai, “Sonu Nigam-i ken ajak temejemeri koma mejemdir iba kasaji tenteter. Pai Mohammed Rafi-i mejemba kena ajak mejema yutsüba ama shitak tenteter aser ibaji ajanga pa ken tener kangasa tajung ta küli angur,” ta langzüa liasü.

Pai Rafi-i atenba ken, ‘Jane kya dhoondti rehti hai ye aankhen mujhme’ ken bilemtet. Iba kenji Kaifi Azmi mejemba lir aser Sonu-i kangasa junga tena liasü.

“O kisüng agibo Sonu ajungbaji merasatettsü,” ta pai ashi.

Sonu-i 1995 küm TV show, “Sa Re Ga Ma Pa” host süa liasü aser iba sentong ajanga ano pa tali tajungba aküm, ta Khayyam-isa ashi.

“Onok shiba densa külemi project inyaktsüar ibaji Tsüngremi dang lemzükja lir, aser ni kentener Sonu Nigam den külemi inyakshiba ya kangasa pelar,” ta Khayyam-i shisem.