Sonu Nigam aser Atif Aslam na külemi shilem agi

September 12, 2015: India aser Pakistan na nungi kentener Sonu Nigam o Atif Aslam na külemi ghonda pongu kenten sentong ka nung shilem agia liasü, ta media-i metetdaktsüogo.
World Trade Centre, Dubai nung Brihostibar aonung tena külemi shilem agiba ajanga ken agi kecha arrtsü memetet ta jungkai adoka sayuogo aser tena aliba linük ana mangatettep agi sünga liaka temulungbo kadang lir ta sayuogo, ta Honibar nü Gulf News ajanga metetdaktsü.
Temulung nung tebendang maliba sayua Nigam-i Pakistan nunger kentener tejen Nusrat Fateh Ali Khan aser Reshma nungeri atenba ken kar aten aser Aslam-i India nunger kentener Mohammad Rafi, Kishore Kumar aser Jagjit Singh nunger atenba ken kar aten.
Iba den külemi Nigam-i Aslam-i atenba aser Atif-ia Nigam-i atenba kentem tena liasü.
Tena rongnung sentong nung Aslam-i mezüng shilem agiba mapang pai Bollywood indang “Woh lamhe woh baatein” aser “Tu chahiye” kentem aten.
Iba sülen Nigam-i “Mera rang de basanti” aser “Don’t say alvida” kentem tena liasü.
UAE nunger linük asoshi taküm tenlar tem asoshi Nigam-i “Shukran Allah” ken tenloktsüba sülen minute ana mokrema tetushi agüja liasü.