Sonu Nigam June 7 nü temokok operation agitsü

Mumbai, May 28, 2016 : Kentener Sonu Nigam June 7, 2016 nü Mumbai nung temokok operation agitsü, ta pa den inyaker kati ashi.
“Pa anema lir aser ibai operation tila ka dang lir,” ta kasa nisungi IANS dang ashi.
Operation ji temokok tabelenlen agitsü. Osangbenertemi ashiba agi, pa squash asayaba mapang tanishir tajung maliba ajanga temokok yiru aser operation agitsüsa aküm.
Ashiba agi pa temokok ji majung tashibo kenten sentong ajak thinena atatsü.