Sonu Sood-i Jackie Chan indang kürakyanglu ka sayatsü

New Delhi, April 6 (Agencies) : Bollywood actor Sonu Sood-i Jaipur nung martial arts actor Jackie Chan indang kürakyanglu ka sayatsüogo.
Hong Kong nungi martial artist nüngtugu actor Jackie tawa tu India nung ‘Kung Fu Yoga’ film yanglutsü atema arua amung.
Shimo agi yangluba kürakyangluji India nunger ka aser China nunger sculptor kati yangluba lir aser Nahargarh Fort Museum nung yua lir.
“Jaipur nung medemer aser otsüsür Jackie Chan indang kürakyanglu sayatsüogo. Kanga tushia bilemer” ta Sonu-i Twiter nung metetdaktsü.
‘Kung Fu Yoga’ telokji Jaipur nung tsüngsang ka atema aruba liasü. Iba ken nung tsüngsangji India nunger film yanglur Farah Khan-i choreograph asüba lir.
Jackie den Sonu aser Amyra nungertemi iba ken nung shilem agia liasü.
Jackie Chan-i tang yangluba movie ji taküm October nung sayatsü sentong lir.
Parnok yashi Jaipur nung film tangokogo aser Beijing nung oa tanüngba shilemtem tangoktsü.