Sony A7 III ‘full-frame mirrorless’ camera India nung sayaogo

New Delhi, Metsüremi 16 (Agencies): Sony indang entry-level ‘full-frame mirrorless’ line up atsülanga, Sony India-i Yangtepnü (Thursday) “A7 III” versatile camera nung 24.2-megapixel back-illuminated “Exmor R CMOS” image sensor tasen inoka yangluba sayaogo.
Sony indang “A7 III” ya Metsüremi (March) 26 nü nungi angutsü aser camera indang ‘body aser 20-71 lens’ medeni camera kija jenjangji sen 1,64,990 alitsü. Iba camera nung bundle kit (A7 III body aser 28-70 lens) jenjangji sen 1,79,990 alitsü, ta company-i sangdong ka ajanga metetdaktsü.
Iba camera yagi mechanical shutter mesüra silent shooting aser diverse 4K4 video tem amshia ’10 frames-per-second’ (fps) tashi kara tangoktettsü.
Sony A7 III camera nung ya ‘BIONZ X’ processing tasenba inoka yanglua lir aser ibaji ajanga processing speed tsütsü taoba Sony indang A7 II dang nung shilem 1.8 agi tashi agütsür.
Sony-isa camera tasenba nung ya “4D FOCUS” capabilities bendenlokja lir aser iba camera nung 425 contrast autofocus points inoka yanglua lir.
Ibaji ajanga 693-point focal-plane phase-detection AF system system den külemi inyaktsü aser camera nung frame indang shilem 93% jungnüa ayimjemtsü.
Iba device nung ya ‘image processing system, tasenba ajanga noksa nunger atonga (second ka nung noksa 10) 10 frames-per-second (fps), accurate AF/auto exposure tracking 177 standard JPEG images tashi alitsü, 89 compressed RAW images mesüra 40 uncompressed RAW images ‘full resolution’ nung tangoktettsü.
Maneni, iba camera nung battery tashi atsülangtsüogo aser battery khen charge asüba nung noksa 710 ben tangoktettsü. Alima nung ‘mirrorless camera’ rongnung battery arishi talangtibaji A7 III alitsü, ta Sony India-i metetdaktsü.