Sony ajanga alima nung tekeratiba SD card aser card reader sayaogo

New Delhi, March 29 (Agencies): Noksa aser video tangokertem asoshi Sony India ajanga alima nung tekeratiba SF-G Series SD card Mongolbarnü sayaogo.
Iba SF-G Series indang card nung second ka nung MB 299 tashi karaa noksa aser video tem belenshitsü akoker.
Sony indang iba SD card ya 32GB, 64GB aser 128GB nung angutsü. Iba card ajanga DSLR aser mirrorless camera ajanga 4K video record süteter. Iba card nung 2K, Full HD aser XAVCS Codec video tema record sütettsü.
Sony indang “Memory Card File Rescue” software angati download asüba ajanga iba memory card nung aliba RAW images aser 4K XAVC-S video tem delete sür aliba tanaben bena arutettsü.
SF-G32/T1 IN card jenjang sen 6,700, SF-G64/T1 IN jenjang sen 11,00 aser SF-G128/T1 IN jenjang sen 19,900 lir. Item card ajunga warranty küm pongu lir aser April 3 nungi angutsü. MRW-S1/T1 IN card reader ya April 3 nungi tenzüka sen 2,300 agi angutsü aser iba card reader ya warranty küm ka alitsü.