Sony-i alima nung auto-focus tekaratiba compact camera sayaogoaten

New Delhi, November 10 (Agencies) : Bodhbarnü Sony India-i sen 79,990 alanga Cyber-shot RX100 series indang camera model tasen ka sayaogo. Iba camera ya alima nung aliba camera tem dang nungi auto-focus (AF) tekaratiba lir.
RX100 V nung Fast Hybrid auto-focus (AF) system inokja lir aser sensor rongnung AF point timtiba keta lir. AF nung 315 points lir aser ibaji ajanga frame indang noklang nung shilem 65 ayimjemer.
Iba camera yagi 20.1MP resolution nung aser auto-focus/automatic ajanga second ka nung frame 24 (24 frames per second (fps)) tangokteter aser noksa 150 tashi maneni tangoktettsü. Alima nung aliba Compact Camera tem rongnung RX100 V ya tekaratiba lir ta jembir.
Camera nung 4K video recording keta lir aser noksa kanga jangja aser merüka tangoktettsü atema high-speed Anti-Distortion Shutter (maximum speed of 1/32000 second) lir.
RX100 V camera nung super-slow motion video tem standard slow motin 40x dang nungi tanüba aser talangba tangokteter.
RX100 V camera ya Sony Centres, “Alpha” store tem aser India nung aliba electronic store tulutem ajak nung talitsü angutsü.