Sony-i sen 249,990 alang camera ka sayaogo

New Delhi, November 24 (Agencies) : Brihostibarnü Sony India-i camera tasen ‘a99 II’ — ‘A-mount’ camera ka sayaogo. Iba camera nung lens melena amshiteter aser noksa aiben maneni tangokteter.
Nüburtemi ‘a99 II’ camera ya teshimtet Sony Centre aser tanga electronic aser digital imaging store tem nung sen 249,990 agi alitettsü, ta company sangdong ka ajanga metetdaktsü.
“a99 II” camera nung 42.4MP resolution keta lir aser iba camera ya noklang nung shilem 8 agi mezüng adokba a99 camera tang tilaba lir. Iba camera nung tang tasen adokba grip, magnesium alloy agi yangluba temang, SD card inoktsü tesem (slot) ana aser tanga terenlok kar keta lir aser itemji ajanga camera ji kanga junga sota yur amshiteter.
“Noksa nung taginüba ajak adokdaktsütsü mechi nung iba camera nung optical low-pass filter melii yanglu anungji noksa tangokertemi pei nüngdakba apir noksa agidang compressed mesüra uncompressed RAW files shimer tangoktsüla,” ta sangdong ajangsa ashi.
Iba camera tasenba nung hybrid phase detection auto-focus (AF) system den Translucent Mirror Technology (TMT) dena exclusive Sony A-mount feature tem keta lir. Camera agi 4K recording atema high-quality video tem 100 Mbps nung tangokteter.
Phase detection auto-focus system yagi ‘full-time AF’ agütsür aser full-frame “a” series nung mezüngbuba 4D Focus ji iba camera nung lir.