Sony-i ‘X’ series smartphones tan mezüngsüa sayar

New Delhi, May 30 (Agencies) : Sony India-i, “X” series smartphone tem — Xperia X aser Xperia XA na Hombarnü sayaogo. Item smartphone indang battery tem khen charge asübaji anogo ananü amshiteter, ta parnoki ashi.
Xperia X ya sen 48,990 agi June 7, 2016 nü nungi ayoktsü saka Xperia XA bo June ita hopta tasembuba nungiang sen 20,990 agi ayoktsü.
Item smartphone tem nung intelligent technology tasen aser camera nung Xperia features tasen den battery aser design tasen inokja lir, ta Hombarnü company sangdong ka ajanga metetdaktsü.
Xperia camera agi tang rongdak noksa kanga junga agiteter. Camera lapoktsü tanga smartphone tem dang nungi anasü agi tekaraba aser second 0.61 tsüngda nung noksa tangokteter.
Xperia X series smartphone tem nung “Predictive Hybrid Autofocus” keta aliba ajanga noksa agidang tamshirtemi mulungba ama kara kara agiteter.
Xperia X nung 64 Bit Qualcomm Snapdragon 650 processor aser Xperia XA nung 64 Bit MediaTek MT6755 processor inokja lir.
Xperia X tesülen 23MP camera aser tejaklen tena ajaklen nungi agitetba 13MP camera tem keta lir. Smartphone telung nung 3GB RAM inokja lir. Sim card ka dang amshira flash memory 32GB angutsü saka sim card ana amshira flash memory 64GB angutsü. Iba memory ya microSD card amshia 200GB tashi küma amshitettsü. Iba smartphone ya Android marshmallow agi mapa inyaker aser phone nung 2,620 mAh battery inokja lir.
Xperia XA tesülen 13MP camera aser tejaklen 8MP camera keta lir. Phone nung 2GB RAM inokja lir aser phone memory16GB lir koba microSD card amshira 200GB tashi ulua kümtettsü. Iba phone ya-a Android marshmallow ajanga mapa inyaker aser 2,300 mAh battery ajanga tashi agütsür.
Xperia X aser Xperia XA naprong nung sim card anana aser 4G network amshitetsü.
Item smartphone ya Sony centres, Xperia flagship stores, mobile ayoba dokan tulu nung aser electronic store tem den online nung Amazon ajanga alitettsü.