Sony indang A8F 4K HDR TV series sayaogo

Aami 06, 2018 (Agencies): Sony-i parnok indang BRAVIA OLED products line-up atsülanga A8F TV series tasenba sayaogo aser company-i ashiba agi, iba TV ajanga 4K HDR picture quality agütsür. Iba TV series tasenba ya variant ana – KD-55A8F (55-inch) aser KD-65A8F (65-inch) nung angutsü.
Company-i ashiba agi, A8F series ajanga deep blacks, realistic colours, wider viewing angles den 8 million dak tema self-illuminating aser individually controlled OLED pixels agütsür. Iba TV nungsa Sony indang 4K HDR picture processor-X1 Extreme aser Acoustic Surface technology inoka yanglutsü. Ibaji ajanga TV yagi high visual quality aser screen ajanga sound agütsür.
A8F series nungsa Sony indang TRILUMINOS Display keta aliba angutsü. Iba feature ajanga noksatem tajungtiba nung adokdaktsütsü atema reds, greens, blues (RGB) aser colour variations reproduce sütsür. A8F nung Android TV 7.0 den Sony indang user interface inoka yanglutsü.
Iba TV nung Chromecast keta lir aser ibaji ajanga tamshirtemi pei indang smartphone mesüra tablet nung aliba content tem TV denji share süa benshitettsü. A8F TV nung Google Play movies, games aser music feature tem inoksema yanglutsü aser aji tamshirtem atema tajangzük asütsü.
Item features den bendenloka, A8F TV series nung Netflix aser Google Play Store atema direct access button keta aliba angutsü. Sony indang 55-inch model A8F TV jenjang ya sen 3,29,900 aser 65-inch jenjang ji sen 4,49,900 agi angutsü.