Sony Xperia XZ2 series nung ‘Google Lens’ angutsü

Aami 02, 2018 (Agencies): Sony Xperia XZ2 aser XZ2 Compact smartphones atema Google-i parnok indang ‘Google Lens’ feature agütsütsü sangdongogo.
Google Lens feature access angutsü atema Sony Xperia XZ2 aser XZ2 Compact smartphone amshirtemi mezüng camera app ji latest version agi update asütsüla. Iba update ya phone annaprong indang camera app jaki indang indanga oa access sütettsü.
Iba Google Lens ya Artificial Intelligence (AI) platform nung amenoka yanglutsü. Ibaji ajanga device nung features, links aser tamshirtemi viewfinder nung reprangnüba tem kara angutsü atema teyari agütsür. Google Lens amshia tamshirtemi online ajanga products angutsü, text tem copy aser paste sütettsü, landmarks indang tali angazüktsü, calendar nung events tem bendenloktettsü, movie posters tem reprangtettsü, nüngtugu süngdonglidong mesüra narotem aser shirurutem indang tali jangja metettsü.
I/O developer senden nung Google-i parnok indang ‘Google Lens’ ya Google-i yangluba devices aser premium Android phones indang camera app den integrate sütsütsü, ta sangdonga liasü.
2017 küm company-i Google Lens mezüng sangdonga liasü. Mezüngbo AI (Artificial Intelligence) nung amenoka yangluba camera app ya Google densema smartphone yangluba company LG, Motorola, Xiaomi, OnePlus, aser tanga smartphone company tem, ajak agi Android smartphone 10 tashi nem aguja liasü.