SonyLIV-i tanur ajangzüktsü sentong lapoker

Mumbai, November 10 (Agencies) : Sony Pictures Networks’ India indang digital sabang, SonyLIV-i Brihostibarnü “LIV Kids” sentong lapokogo aser iba sentong ya tanurtem atema atakteta lapokba lir.
LIV Kids nung kanga tang nüngtugu nursery rhymes “Pop Goes the Weasel” “Twinkle Twinkle Little Star”, “Humpty Dumpty” aser “Wheels on the Bus” kenten angutsü.
Iba sentong ya SonyLIV-i produce asü aser LIV Kids nung keta aliba sentongtemji SonyLIV website aser mobile application na den parnok indang YouTube channel nunga reprangtettsü.
“Temunungratsü aser jangratemtsü aketba nursery rhymes tem aliba ajanga tanurtem jangra atemaba dang masü saka shisatsüa renloktsü. Tanurtemi iba sentong saputsü onoki amanger,” ta Sony LIV Digital Business nung Executive Vice-President aser tekolakba Uday Sodhi-i sangdong ka ajanga metetdaktsü.
SonyLIV ya Sony Pictures Networks’ India (SPN) kübok video on demand (VOD) service inyakyim ka lir aser iba ya ajanga asenoki amshiba oset balala nung sentong tem reprangtsü maongka agütsür.
Iba digital sabang ya January 2013 küm tenzük aser Sony Pictures Networks’-i bendenba video aser noksa tem yoker.