Sophie Choudry British Asian Trust ambassador asütsü

Mumbai, July 21, 2016 : Singer aser actress Sophie Choudry-i British Asian Trust ambassador inyaktsü kanga pelar, ta ashi.
Sophie-a Manish Malhotra indang FDCI India Couture Week 2016 sentong nung adentsü atema Bodhbarnü Mumbai-i arudang la pelaba Twitter ajanga lemsatep.
“Timtemer yaritsü atema HRH Prince Charles-i tenzükba British Asian Trust nung ambassador tasenla asütsü shimba ya ni asoshi akhüm ket mapa ulura,” ta Sophie-i Brihostibarnü Twitter ajanga ashi.
South Asia nung sensaker aser okronga aliba nüburtem aika ngua itemji yaritsü atema 2007 küm Prince of Wales-i British Asian Trust ya lapok.
Pai Sophie shimba ya la ajanga linük nung entrepreneur tem den tesentaktep yua iba Trust atema tali awa oa inyaktsü nükjidong nung shim.