Sorkar department temi Rs 178.96 crore tim mesüi amshi

Kohima, February 18 (TYO): Nagaland nung sorkar department 12-i Rs 178.96 crore tashi tim mesüi amshiba aser osettem akoksaba Comptroller and Auditor General (CAG) of India-i bushitetogo.
Küm 10 tashi School Education, Power, Rural Development, Public Works (Roads & Bridges), Health & Family Welfare, Tourism, Irrigation & Flood Control, Municipal Affairs, Urban Development, Taxes, Land Records & Survey and Private Firms-i sen tim mesüi amshi, ta CAG report nung shia lir.
Department ajak rongnung sen teimba tim mesüi amshibaji School Education Department liasü. Iba department dak sendakba ken o pezü lir nung Rs 82.96 Cr tim mesüi amshia liasü. Sen ajunga nung jagi Rs 82,000 auyaba, Rs 82.79 crore tim mesüi amshiba aser Rs 16 lakh alang sorkar osettem akoksaba dena lir, ta CAG-i metetdaktsü.
CAG-isa Power Department-ia Rs 25.48 crore tim mesüi amshiba bushitet.
Health & Family Welfare department dak sendakba ken o tenet tashi lir aser parnoki Rs 16.36 crore tim mesüi amshi. Iba nung Rs 1.85 crore tim mesüi amshiba, Rs 11.50 crore alang sorkar meyong osettem akoksaba aser Rs 3.01 crore tai sayuba dena lir.
Tourism department dak sendakba ken o ana lir aser iba nung Rs 14.19 crore tim mesüi amshiba aser Rs 5 crore auyazüka agiba lir.
Private Firms-i Rs 7.23 crore alangba gsorkar meyong osettem akoksadaktsü, ta CAG-isa ashi.
PWD (R&B) department dak sendakba ken o ana lir aser iba nung Rs 8.78 crore tim mesüi amshi aser Taxes department-ia Rs 6.44 crore alang sorkar meyong osettem akoksadaktsü.
Maneni, Department balalai Rs 4.77 crore alang sorkar osettem akoksatsü. Municipal Affairs department-i Rs 4.11 crore, Rural Development-i Rs 3.61 crore, Irrigation & Flood Control department-i Rs 3.46 crore, Land Records & Survey department-i Rs 1.24 crore aser Urban Development department-i Rs 28.50 lakh tim mesüi amshiba bushitet ta CAG report nungsa shia lir.