Sorkar-i NDFB (P) den yimjung ita trok atsülangshir

New Delhi, June 24 (Agencies): Sorkari Assam Bodo telungpur, National Democratic Front of Bodoland (Progressive) telok den ken o jembitsü atema yimjung mapang December 31, 2016 nü tashi atsünglangshiogo.
Telok ana tsüngda tenangzüktep ayubaji Joint Monitoring Group- Centre, Assam sorkar aser NDFB (P) Brihostibarnü senden ka mena asadanga liasü.
“Iba senden nung olemtep akaba sülen linük sorkar aser NDFB (P) na tsüngda yimjung mapang ita trok atsünglangshi aser iba mapang sepaitemi mitba mapa kecha meinyaktsü lemtetogo,” ta Home Ministry ketdangseri ashi.
Centre-i iba telungpur telok den tesüiba küm ishika yimjung nung olemtep kayonga arudar.
NDFB (P) telok yagi Bodo kintem atema litsü balaka akhanger. NDFB (S) telokbo tan lemtetba nung medensem.