Sorkar li rakzükba atema Jet Airways ketdangser ka apu

Ghaziabad, July 02 (Agencies): Uttar Pradesh Chief Minister, Yogi Adityanath tetuyuba nung ajemdaker Jet Airways ketdangser kati sorkar ali rakzüka agiba atema New Delhi nung puogo, ta tanü Ghaziabad nung police-i metetdaktsü.
Joint Municipal Commissioner, Ghaziabad, Arun Kumar Gupta-i ken o ka agütsüba nung ajemdaker Mumbai nung Jet Airways chief security officer, Avneet Singh Bedi Honibar aonung south Delhi nung par kidang lia apu.
Army colonel nungi anisüngzüker alisang, Bedi-i Delhi-Uttar Pradesh arrtsülen aliba Chikamberpur yimdak sorkar meyong ali square metres 945 rakzük.
Iba ali nungjagi pai square metre 532 transport company ka nem ‘rent’ agütsü aser tanüngba aliji pai transport godown-i aotsü atema lenmang yangluba nung amshi, ta Superintendent of Police, Akash Tomar-i ashi.
Chief Minister Adityanath tetuyuba anung ajemdaker ketdangsertemi, ozüng alema sorkar li rakzüka agiba mita aoer, ta ketdangserisa ashi.
Iba dak sendakba nung Jet Airline otongdar ka dang asüngdangba langzüdang, “Airline-i parnok executives aser employees indang nija onük indang mejembir,” ta ashi.