Sorkar mapa inyaker DA/ADA ajungkettsür

Dimapur, Dec. 03 (TYO): Nagaland sorkari sorkar mapa inyaker indang Dearness Allowance/Additional Dearness Allowance (DA/ADA) timba küma ajungkettsüogo.
ROP Rules, 2010 kübok densemertem nem taküm 2015 küm July ita 1 nü nungi tenzüka DA noklang nung shilem 6 agi timba küma ajungkettsüba sülen parnok indang DA 113% nungi 119% küma ajungkettsür lir.
Ano, ROP Rules, 1999 kübok densemer nema taküm 2015 küm July ita 1 nü nungi tenzüka ADA noklang nung shilem 30 agi timba küma ajungkettsüba sülen parnok indang ADA 745% nungi 775% küma ajungkettsür lir.
Ajisüaka, mapa teinyakdak asürtem, mapa nungi anener alir aser Superannuation nung ajemdaker July 31 nü tashi nung mapa nungi anentsü alir dak alaka tanüngba sorkar mapa inyakertem indang July nungi November ita tashi arrear sen ajunga GPF/CPF senpongi yoker külen, December itasen nungi ang iba DA/ADA tasenba ya inoksemer ita sen agizüktsü asoshi sorkari tuyuogo.
New Pension Scheme (NPS) densema, Provident Fund mapatong kübok madenba sorkar mapa inyakertem nem arrear sen ajunga agütsütsü akok.
Tan tuyuba ama asangsang nung inyakdaktsütsü nükjidong nung sorkar office ajunga nung mendenbuba/DDO ajaki DA/ADA arrear bill ajunga kanga junga reprangshitsü asoshi temetettsü olen ka sorkarisa metetdaktsüogo.