Sorkar mapa inyaker kuli kaket taila alir 201 puteta lir:Odisha

Bhubaneswar, May 6 (Agencies) : 2010 küm nungi ‘caste certificates’ taila agütsür sorkar mapa inyakertem parnok nisung 201 shi pua lir, ta Hokolbarnü Odisha nung minister kati metetdaktsü.
State nung Congress tekolakba Taraprasad Bahinipati-i asüngdanga züluba ka langzüba mapang Scheduled Castes (SC) aser Scheduled Tribes (ST) Development Minister Lal Bihari-i assembly dang iba osang metetdaktsü aser iba bushisüngdangba telok ya 2010 küm tentet ta ashi.
Revenue Divisional Commission (RDC) central division, Cuttack nungi nisung 15, anüdoklentip Sambalpur aser anüolentip Berhampur RDC tesemtem nungi nisung 71 tashi agi sorkar mapa aginüba mechi küli kaket taila agütsüba nung aija lir, ta pai ashi.
Iba bushisüngdangba teloki nisungtem indang tiyazü küli kakettem tagidak maka kümjang ta tuyuogo aser parnok mapa nungi anentsüogo.
Iba den külemi district welfare officers tem danga item nisungtem anema FIR benoktsü shiogo. Ano parnok dak ozüngi melaba ama aija merenshiang ta state sorkari superintendent of police danga shiogo, ta paisa ashi.
Bihari-i, “Item kibongtemi sorkar teyari agia aliba ajak meyipa meshitsü atema sorkari tetuyuba agütsüogo,” ta shisem.
Nisung janga memeteti küli kaket taila yanglutsürtem nema temerenshi agüjang ta district DC tem nem osang agutsüogo, ta paisa ashi.